MANUK KURUNG

Niki araq endah sopoq jejoraan care Sasak, tearanin Manuk Kurung. Jejoraan Manuk Kurung tekadu ngelatih Kecetan te bebadeq dait pisetan suaren manusia sopoq-sopoq.

Niki aturan jejoraan Manuk Kurung “

1.      Pinaq due kelompok, anggote sopoq kelompok sepulu atawe due olas menusie.Tiep-tiep kelompok bedoe ketue.

2.      Araq sopoq jeri detu, si betugas jeri juri leq dalem pekedekan.

3.      Due kelompok nike harusne pete taoq si beseboq, sehingga nde’en bau saling gitaq.

4.      Tiap kelompok nyiapan kereng londong jari pengurung manuk.

5.      Muni detu keras-keras “ Sugul manuk kurung lekan due kelompok Timuq dait Bat.

6.      Ketue kelompok sugul jauq manukne masing-masing si uah tekurung ngadu kereng londong. Lampaq adeng-adeng dendeng manuk kurungne. Si jari manuk besot-besot dalem kurung ndeqne kanggo sanggitan naene atawe awak si lain.

7.      Dateng leq julun Datu, tokol berandangan. Datu berterus mnuni “ Yaaq… ngungkung manuk Bat!”

Beterus manuk Bat si tekurung niki ngungkung, Misal “ Ku…ku…ruyuuuk!” Malik muni Detu, “ Ngungkung manuk Timuq!” Beterus manuk Timuq ngungkung. Misal “ Cit..cirilliiiiit!” Nah, ketue kelompok Timuq mulai bebadeq, sei kire-kire si tekurung jari manuk kelompok Bat singungkung baruq. Harus ne sebut aran kanak, misal “ Loq Amin !” Karing giliran ketue kelompok Bat bebadeq. Harus ne sebut sei kire-kire si tekurung jari manuk kelompok Timuq. Seuwahan sino, tarik pade bukak kurungan. Lamun tepat bade’ane, bearti mate manuk si tesebut baruq. Ndeqne kanggo malik milu tekurung.

1.      Jeri tandene kalah, kelompok embe si luean manukne mate.

2.      Aturan lain, kanggo tekurung berulang keli, asalkan ndeq mane mate atau kene isiq bebadean.

3.      Kelompk si kalah tehukum memondong atawe sungkiq kelompok si menang.