MANUK PESEQ

 Manuk Peseq termasuk jejoraan kanak-kanak Sasak. Beu tekedu jeri hiburan leq tatkala uah lelah laloq  gaweq  pegawean lain. Manuq Peseq beu endah tekedu belatih kepintaran bebadeq. Ngumbe  care jejoraan Manuk Peseq ?

Perteme : Pinaq kelompok jeri dua. Sopoq kelompok anggotane sepulu atawe lebih. Tiep-tiep kelompok bedoe ketue kelompok dait aren kelompok,misal aren kelompokne ‘Keompok Cemoh Leger” dait kelompok lein arane “Kelompok Tetep Tenang”.

Kedue    : araq sopoq kanak tepinaq jeri datu. Datu tokon leq sentengan-tengan antere due kelompok. Jaraq ne te atur ndaq sampe beu te denger waktune tepeseq datu.

Ketelu    : datu muni “nah nane salaq sopoq wakil anggote kelompok cemoh leger meju peseq datu. Sai kire-kire yaq ne semateq eleq anggote kelompok tetep tenang!”

Keempat : salah sopoq anggote kelompok Cemoh Leger meju memesek leq telingen datu. Jeri uninne memesek harus ne sebut aran salaq sopoq anggote kelompok Tetep Tenang. Misal unine memesek “ Eku semateq Loq Banu” Uahne memesek tulak malik tipaq kelompokne.

Datu malik muni “ Sugul kelompok Tetep Tenang !”

Beterus sugul anggote kelompok Tetep Tenang. Lamunkebenderan sugul Loq banu, detu muni “ Dor! Mate Banu”  Na, itp taoqne, ndeq kanggo milu mali, sengaq uah mate. Suahan mate Loq Banu, berterus tersusul isiq baturnr si lain lalo memesek leq detu. Sei kire-kire yaqne semateq laq antare kelompok Cemoh Leger. Beterusen peseq detu. Misal sebutne “ Eku semateq Loq Tukul!” Malik Muni Detu “ Sugul kelomp[ok Cemoh Leger! Lamun klainan isiq Loq Tukul sugul, berarti ndeqne mate, beu langsung bepeaseq tipaq detu. Ngeno aturan sterusne.

Jari tandene kalah, sai si luean mate anggote kelompokne ye si kalah. Kelompok si klah nike tehukum benyanyi utawi nyenyungkian pondong anggote kelompok si menang pade-pade sopoq.